Þegar nýtt starf verður til er mjög mikilvægt að skilgreina strax í upphafi helstu kröfur, innhald og markmið starfsins í starfslýsingu. Starfsmaður þarf að hafa unnið að lágmarki í hálft ár í nýju starfi áður en hægt er að óska eftir starfsmati.

Til að beiðni teljist gild þarf að fylgja henni;

1. Ný starfslýsing, dagsett og undirrituð af yfirmanni
2. Útfylltur spurningarlisti sem hægt er að fylla út hér að neðan.

Mikilvægt er að tölvupóstföng í umsókninni séu rétt og virk.

1. Starfsmatsráðgjafar upplýsa viðkomandi stéttarfélag um að beiðni hafi borist.
2. Starfsmatsráðgjafar taka ákvörðun um fjölda starfsmanna sem mæta í viðtöl út frá úrtaksreglum og fela tengiliðum í sveitarfélögum að boða starfsmenn á kynningarfund og í viðtöl.
3. Þegar tillaga starfsmatsráðgjafa liggur fyrir er hún lögð fyrir starfsmatsnefnd / framkvæmdanefnd starfsmats til úrvinnslu og samþykktar.
4. Niðurstaða nefndar er send til stéttarfélags og mannauðsstjóra sviðs / sveitarfélags sem ber að upplýsa starfsmann / starfsmenn og viðkomandi aðila um niðurstöðurnar.

Mat á starfi skal gilda frá þeim tíma sem starfið var stofnað. Hafi starf hjá Sambandi íslenskra sveitarfélaga verið tímabundið launasett hærra með bráðabirgðaröðun en niðurstaða starfsmats ber að lækka röðun starfsins til samræmis við niðurstöðuna. Sú lækkun tekur gildi þremur mánuðum eftir að niðurstaða berst sveitarfélagi.