Þvingandi aðstæður Aðstæður þar sem starfsmaður þarf stöðugt að vera í heftri líkamsstöðu. Dæmi: Löng seta við innslátt á lyklaborð við hraðritun / fundarritun, akstur, að standa lengi við uppþvott, vinna við stjórnun tækja, vinna í stiga o.s.frv. Hér er einungis átt við líkamlega þvingandi aðstæður þar sem starfsmaður getur t.d. ekki staðið upp frá vinnu sinni nema á ákveðnum tíma eða hann sé leystur af.
Erfiðar og óþægilegar aðstæður Aðstæður þar sem starfsmaður þarf að beygja sig, hnipra sig saman eða teygja sig mikið, beygja sig yfir eða undir einhverja fyrirstöðu á meðan á vinnu stendur eða vera í annarri „óþægilegri“ líkamsstöðu við vinnu.
Líkamlegt erfiði Aðstæður þar sem gera má ráð fyrir að beita þurfi líkamlegu afli t.d. við að skúra gólf, saga, grafa skurði eða álíka aðstæður.
Venjulegt líkamlegt erfiði Með líkamlegu erfiði er átt við þau verkefni eða aðgerðir þar sem starfsmaður er oftast í sömu líkamsstöðu við vinnu sína en gert er ráð fyrir að hann hafi töluvert svigrúm til að hreyfa sig. Starfsmaður getur þó í einstaka tilfellum þurft að standa, ganga, beygja sig, rétta úr sér eða þurft að lyfta / bera hluti. Flest skrifstofustörf t.d. flokkast undir venjulegt líkamlegt erfiði.
Athugaðu vel Hér á eftir eru tilgreindar sjö tegundir af líkamlegu álagi/kröfum. Aðeins ber að merkja við tvö atriði, jafnvel þó að fleiri atriði geti átt við um starfið. Merkja skal 1 fyrir framan það sem er líkamlega erfiðast í starfinu á venjulegum vinnudegi og 2 fyrir framan það sem er næst erfiðast (ef það á við). Ekki er hægt að vinna úr upplýsingum í þessum þætti nema þessum leiðbeiningum sé fylgt.