Þessi persónuverndarstefna var sett þann 19. febrúar 2026
Jafnlaunastofa hefur það að markmiði að tryggja áreiðanleika, trúnað og öryggi persónuupplýsinga sem unnið er með innan hennar. Persónuverndarstefna Jafnlaunastofu er sett í samræmi við lög um persónuvernd og vinnslu persónuupplýsinga nr. 90/2018 (persónuverndarlaga). Tilgangurinn með persónuverndarstefnu þessari er að upplýsa um hvernig og hvers vegna persónuupplýsingum er safnað, á hvaða lagagrundvelli og hvernig þær eru meðhöndlaðar og unnar.
Persónuupplýsingar í skilningi þessarar stefnu eru hvers kyns upplýsingar um persónugreindan eða persónugreinanlegan einstakling, þ.e. upplýsingar sem hægt er að rekja beint eða óbeint til ákveðins einstaklings. Gögn sem eru ópersónugreinanleg teljast ekki persónuupplýsingar. Vinnsla persónuupplýsinga vísar í aðgerð eða röð aðgerða þar sem persónuupplýsingar eru unnar með einhverjum hætti, svo sem söfnun, skráning, varðveisla og eyðing, hvort sem vinnslan er sjálfvirk eða ekki.
Tilgangur Jafnlaunastofu er að styðja sveitarfélög og eftir atvikum aðra aðila við framkvæmd launasetningar með launajafnrétti að markmiði, meðal annars með mati starfa, fræðslu, ráðgjöf og þróun starfsmats, greiningar- og matstækja. Þessi starfsemi felur í sér vinnslu upplýsinga sem geta talist persónuupplýsingar.
Jafnlaunastofa vinnur persónuupplýsingar sem nauðsynlegar eru til að uppfylla tilgang sinn um að stuðla að launajafnrétti, þróa greiningar- og matstæki, veita ráðgjöf og fræðslu, framkvæma starfsmat og starfaflokkun og til að svara fyrirspurnum og afgreiða erindi sem berast henni. Vinnsla persónuupplýsinga getur t.a.m. varðað:
Persónuupplýsingum er fyrst og fremst safnað frá þriðju aðilum, þ.e. starfsfólki, fulltrúum atvinnurekenda og stéttarfélögum.
Þetta felur í sér:
Tilgangur vinnslu persónuupplýsinga hjá Jafnlaunastofu er eftirfarandi:
Vinnsla persónuupplýsinga hjá Jafnlaunastofu byggir fyrst og fremst á samningum um vinnslu fyrir hönd ábyrgðaraðila sem teljast til opinberra aðila. Hún snýr að því að efna samninga þessa og sinna öðrum þeim skyldum sem leiða af þjónustu við þá.1 Þá byggir vinnsla á grundvelli umsókna einstaklinga um starfsmat eða endurmat á samþykki, sbr. 1. tölul. 1. mgr. 9. gr. laga nr. 90/2018.
Jafnlaunastofa miðlar persónuupplýsingum þegar það er nauðsynlegt til að ná tilgangi vinnslunnar. Mismunandi er eftir eðli vinnslu til hvers persónuupplýsingar eru miðlaðar:
Verkefnastofa starfsmats
Persónuupplýsingum er miðlað til fulltrúa launafólks og launagreiðenda í starfsmatsnefndum Reykjavíkurborgar og Samband íslenskra sveitafélaga og stéttarfélaga.2
Verkefni um þróun virðismatskerfis Kennarasambands Íslands
Persónuupplýsingum getur verið miðlað til fulltrúa launafólks og launagreiðenda í faglegri stjórn um þróun virðismatskerfis fyrir störf félaga innan Kennarasambands Íslands.
Verkefni um þróun virðismatskerfis ríkisins
Persónuupplýsingum getur verið miðlað til fulltrúa launafólks og launagreiðenda í faglegri stjórn um þróun virðismatskerfis fyrir störf hjá ríkinu.
Vinnsluaðilar og undirvinnsluaðilar
Jafnlaunastofa kann að nýta sér þjónustu utanaðkomandi vinnsluaðila (t.d. tölvukerfisþjónustu) sem vinna með persónuupplýsingar á hennar vegum. Gerðir eru skriflegir vinnslusamningar við slíka aðila sem tryggja að þeir uppfylli viðeigandi öryggis- og persónuverndarkröfur.
Jafnlaunastofa vinnur með persónuupplýsingar um starfsfólk til að geta greitt því laun og tryggt réttindi þess á grundvelli kjarasamninga og vinnulöggjafar. Tilteknar upplýsingar eru nauðsynlegar til að geta greitt laun, svo sem tengiliðaupplýsingar, launaflokkur, tímaskráningar, skattþrep, stéttarfélagsaðild, bankaupplýsingar, lífeyrissjóðsupplýsingar, upplýsingar um viðveru og skuldir við innheimtumann ríkissjóðs. Þá eru aðgerðir starfsfólks í málaskrá skrifstofunnar skráðar í aðgerðaskrá.
Heimilt er að vinna framangreindar upplýsingar þar sem það er nauðsynlegt til að efna ráðningarsamning, skv. 2. tölul. 1. mgr. 9. gr. laga nr. 90/2018. Þegar um er að ræða vinnslu upplýsinga um fjarvistir vegna veikinda, fæðingarorlofs og annarra atriða sem tengjast lögbundnum réttindum starfsfólks byggir vinnslan á lagaskyldu sem hvílir á ábyrgðaraðila, sbr. 3. tölul. 1. mgr. 9. gr. laga nr. 90/2018, sbr. einnig 2. tölul. 1. mgr. 11. gr. sömu laga um skilyrði fyrir vinnslu viðkvæmra persónuupplýsinga. Þegar kemur að vinnslu upplýsinga umsækjenda um störf er byggt á samþykki þeirra, sbr. 1. tölul. 9. gr. laga nr. 90/2018.
Jafnlaunastofa varðveitir ekki persónuupplýsingar utan EES-svæðisins. Jafnlaunastofa miðlar ekki persónuupplýsingum til þriðju aðila sem staðsettir eru utan EES-svæðisins nema á grundvelli lagaheimildar, stjórnvaldsfyrirmæla, dómsúrskurðar, skriflegs vinnslusamnings eða samþykkis hins skráða.
Jafnlaunastofa er afhendingarskyldur aðili á grundvelli laga nr. 77/2014 um opinber skjalasöfn. Þær persónuupplýsingar sem Jafnlaunastofa vinnur eru því almennt afhentar Þjóðskjalasafni Íslands að ákveðnum tíma liðnum samkvæmt ákvæðum laganna og reglum sem Þjóðskjalasafn Íslands setur. Skjöl í vörslum Jafnlaunastofu eru almennt afhent Þjóðskjalasafni Íslands að 30 árum liðnum, en skjöl og önnur gögn á rafrænu formi þegar þau hafa náð fimm ára aldri, í samræmi við 1. mgr. 15. gr. laga um opinber skjalasöfn.
Jafnlaunastofa gætir öryggis persónuupplýsinga með viðeigandi tæknilegum og skipulagslegum ráðstöfunum, meðal annars með það að markmiði að koma í veg fyrir mannleg mistök, þjófnað, svik eða aðra misnotkun á upplýsingum. Starfsfólk Jafnlaunastofu, sem og allir verktakar og þriðju aðilar sem koma að vinnslu persónuupplýsinga á hennar vegum, eru upplýstir um skyldu sína til að viðhalda trúnaði og tryggja öryggi persónuupplýsinga við upphaf starfa. Trúnaðar- og þagnarskylda þessi byggir á friðhelgi einkalífs samkvæmt 1. mgr. 71. gr. Stjórnarskrár lýðveldisins Íslands nr. 33/1944 og 228. gr. almennra hegningarlaga nr. 19/1940. Jafnframt byggir hún á lögum um persónuvernd og vinnslu persónuupplýsinga nr. 90/2018.
Skráðir einstaklingar eiga rétt á að fá vitneskju um það hvaða persónuupplýsingar þeirra eru unnar hjá Jafnlaunastofu sem og aðgang að eigin persónuupplýsingum sem Jafnlaunastofa hefur með höndum. Þeir eiga rétt á að afturkalla samþykki sitt fyrir vinnslu persónuupplýsinga sem byggð er á samþykki hvenær sem er en afturköllun samþykkis hefur ekki áhrif á þá vinnslu sem þegar hefur farið fram á grundvelli þess samþykkis. Þeir eiga einnig rétt á að óska eftir að láta leiðrétta, eyða eða takmarka vinnslu persónuupplýsinga um sig eða andmæla slíkri vinnslu. Framangreindum réttindum kunna þó að vera sett takmörk í gildandi lögum og reglum, eins og til dæmis ákvæðum laga nr. 77/2014 um opinber skjalasöfn, eftir því sem við á. Skráðir einstaklingar eiga rétt á upplýsingum um uppruna persónuupplýsinga sem ekki er aflað frá þeim sjálfum.
Vilji skráðir einstaklingar fá nánari upplýsingar um eða nýta framangreind réttindi er þeim bent á að hafa samband við fulltrúa Jafnlaunastofu á personuvernd@jafnlaunastofa.is eða í síma 415-4990.
Skráðir einstaklingar eiga rétt á að leggja fram kvörtun hjá lögbæru eftirlitsyfirvaldi, Persónuvernd, ef þeir telja að Jafnlaunastofa hafi ekki virt réttindi þeirra við meðferð á persónuupplýsingum.
Fyrirspurnum vegna vinnslu persónuupplýsinga má koma á framfæri við Jafnlaunastofu með því að hafa samband við tengilið Jafnlaunastofu á personuvernd@jafnlaunastofa.is. Einnig er hægt að hringja í okkur í síma 415-4990.
Vefkökur (e. cookies) eru litlar textaskrár sem vistaðar eru í tölvum eða öðrum snjalltækjum, þegar vefsvæði er heimsótt í fyrsta skipti. Til eru mismunandi tegundir af vefkökum. Sumar eru nauðsynlegar til að tryggja virkni vefsíðna, aðrar eru notaðar til greiningar á notkun vefsíðna og enn aðrar eru notaðar til greiningar í markaðsskyni. Vefsíður Jafnlaunastofu, jafnlaunastofa.is og starfsmat.is, nota einungis nauðsynlegar vefkökur sem og kökur til að gera notendaupplifun sem besta. Hægt er að slökkva á þeim vefkökum sem ekki eru nauðsynlegar til að tryggja virkni vefsvæðisins. Það er gert með því að breyta stillingum í vafranum.
Persónuverndarstefnan er endurskoðuð reglulega og kann að taka breytingum vegna breytinga á löggjöf, starfsemi Jafnlaunastofu eða af öðrum ástæðum sem kunna að kalla á slíkt. Breytingar taka gildi við birtingu uppfærðrar stefnu á vefsíðu Jafnlaunastofu, jafnlaunastofa.is.
Þessi persónuverndarstefna var sett þann 19. febrúar 2026.
