Markmið starfsmatskerfa er að tryggja, eins og kostur er, að starfsfólki séu ákvörðuð laun með málefnalegum og hlutlægum hætti.
Starfsmatið er viðvarandi samstarfsverkefni þeirra sveitar- og stéttarfélaga sem um það hafa samið í kjarasamningum og þau mynda með sér starfsmatsnefndir, annars vegar hjá Sambandi íslenskra sveitarfélaga og hins vegar hjá Reykjavíkurborg.
Starfsmatsnefnd er skipuð þremur fulltrúum Reykjavíkurborgar og þremur fulltrúum stéttarfélaga, þ.e. fulltrúum Sameykis, Eflingar og Bandalags háskólamanna. Fulltrúar annarra stéttarfélaga eru boðaðir til áheyrnar í nefndinni þegar fjallað er um mál viðkomandi félaga.
Í nefndinni sitja fjórir fulltrúar Sambands íslenskra sveitarfélaga og fjórir fulltrúar stéttafélaga
Fagleg stjórn starfsmatskerfisins ber ábyrgð á faglegri þróun starfsmatskerfisins, að það þróist og samræmist markmiðum um launajafnrétti og öðrum kröfum sem gerðar eru til þess á hverjum tíma.
Stjórn hefur eftirlit með starfsmatskerfinu og notkun þess sem felst m.a. í að tryggja að fram fari endurskoðun á kerfinu og því hvort það þjóni markmiðum sínum um launajafnrétti ekki sjaldnar en á fimm ára fresti. Stjórn setur sér starfsreglur í samræmi við markmið aðila um launajafnrétti og notkun starfsmatskerfisins í þágu þess.
